جگر مراد آبادی

وہ بھی ہوئے جاتے ہیں طرفدار محبت
اچھے نظر آتے نہیں آثار محبت

عرفان صدیقی

شحنۂ شہر کی خدمت میں لگے ہیں سب لوگ
کون غالب کا طرفدار ہے میں کیا جانوں

عبید اللہ علیم

دو چار کے سوا یہاں لکھتا غزل ہے کون
یہ کون ہیں یہ کس کے طرفدار دیکھنا

شاذ تمکنت

اب مرے کفر کو ایماں نہیں کہتا کوئی
تجھ کو اے چشم طرفدار کہاں سے لاؤں

قتیل شفائی

گزر گئے وہ سخن فہمیوں کے ہنگامے
کوئی کسی کا طرفدار بھی نہیں باقی