مرزا غالب

ہوں ظہوری کے مقابل میں خفائی غالب
میرے دعوے پہ یہ حجت ہے کہ مشہور نہیں

داغ دہلوی

سمجھتے تھے ہم داغ گم نام ہو گا
مگر وہ تو عالم میں مشہور نکلا

عرفان صدیقی

ہم نے اسے محبوب کیا یہ سوچ کے جی میں غرور کرے
دل سے ہمیں فرزانہ جانے دیوانہ مشہور کرے

اختر شیرانی

محبت کی دنیا میں مشہور کر دوں
مری سادہ دل تجھ کو مغرور کر دوں

بشیر بدر

کاغذ میں دب کے مر گئے کیڑے کتاب کے
دیوانہ بے پڑھے لکھے مشہور ہو گیا

حسرت موہانی

حسرتؔ بہت ہے مرتبۂ عاشقی بلند
تجھ کو تو مفت لوگوں نے مشہور کر دیا

سیماب اکبر آبادی

سیمابؔ کوئی مرتبہ منصور کا نہ تھا
لفظ خودی کی شرح نہ مشہور کر دیا

شکیل بدایونی

شکیلؔ احساس گمنامی سے کہہ دو
کہ ہم مشہور ہوتے جا رہے ہیں

فانی بدایونی

ہے عشق ترا فانیؔ تشہیر بھی شہرت بھی
رسوائے محبت یوں مشہور نہیں ہوتے