عبدالحمید عدم

بڑی روشنی بخشتے ہیں نظر کو
تیرے گیسوؤں کے مقدس اندھیرے

احمد راہی

جنہیں راس آ گئے ہیں یہ سحر نما اندھیرے
یہ تلاش صبح نو میں کبھی ہم سفر تھے میرے

قتیل شفائی

دل جلتا ہے شام سویرے
ایک چراغ اور لاکھ اندھیرے
پیار کی پہلی منزل پر ان جان مسافر دیکھ رہا ہے
آنکھوں میں سنگین اجالے اور سیال اندھیرے دل میں

کیف بھوپالی

سامنے وہ ہیں زلف بکھیرے
کتنے حسیں ہیں آج اندھیرے

ناصر کاظمی

یہ شب یہ خیال و خواب تیرے
کیا پھول کھلے ہیں منہ اندھیرے
جنگل میں ہوئی ہے شام ہم کو
بستی سے چلے تھے منہ اندھیرے