عبدالحمید عدم

تری نگاہ نے تھوڑی سی روشنی کر دی
وگرنہ عرصۂ کونین میں اندھیرا تھا
اگرچہ روزِ ازل بھی یہی اندھیرا تھا
تری جبیں سے نکلتا ہوا سویرا تھا

عرفان صدیقی

سورج کے بعد ماہِ منور ہوا طلوع
تھا بزمِ چار سو میں اندھیرا پڑا ہوا

اسرار الحق مجاز

کون اٹھ کر چلا مقابل سے
جس طرف دیکھیے اندھیرا ہے

عبید اللہ علیم

تو ننھا منا ایک دیا میں ایک سمندر اندھیارا
تو جلتے جلتے بجھنے لگا اور پھر بھی اندھیرا گھر میں ہے

حفیظ جالندھری

اب تو کچھ اور بھی اندھیرا ہے
یہ مری رات کا سویرا ہے

سلام مچھلی شہری

یہ سخت ظلم ہے مالک کہ صبح ہوتے ہی
تمام گھر میں اندھیرا دکھائی دینے لگے

سیماب اکبر آبادی

جلوہ گاہ دل میں مرتے ہی اندھیرا ہو گیا
جس میں تھے جلوے ترے وہ آئنہ کیا ہو گیا

شکیل بدایونی

جاتے ہیں دل میں چھوڑ کے وہ جلوۂ خیال
بجھتی ہے شمع گھر میں اندھیرا کیے بغیر

قتیل شفائی

کہاں کی زلفیں کہاں کے بادل سوائے تیرہ نصیبوں کے
مری نظر نے جسے پکارا وہی اندھیرا پلٹ گیا ہے