عبدالحمید عدم

پہنچ سکا نہ میں بر وقت اپنی منزل پر
کہ راستے میں مجھے رہبروں نے گھیرا تھا

شکیب جلالی

میں خاکداں سے نکل کر بھی کیا ہوا آزاد
ہر اک طرف سے مجھے آسماں نے گھیرا تھا

حفیظ جالندھری

رہزنوں سے تو بھاگ نکلا تھا
اب مجھے رہبروں نے گھیرا ہے

فراق گورکھپوری

زلفِ شب گوں کے سوا نرگسِ جادو کے سوا
دل کو کچھ اور بلاؤں نے بھی آ گھیرا ہے

ناصر کاظمی

زرد گھروں کی دیواروں کو
کالے سانپوں نے گھیرا تھا