عبدالحمید عدم

ستارے کرتے ہیں اب اس گلی کے گرد طواف
جہاں عدمؔ مرے محبوب کا بسیرا تھا

حفیظ جالندھری

راکھ راکھ استخواں سفید سفید
یہی منزل یہی بسیرا ہے

سیماب اکبر آبادی

ہم مسافر تھے ہمارا مستقر کوئی نہ تھا
رات جب آئی جہاں آئی بسیرا ہو گیا

قتیل شفائی

نہ چھاؤں کرنے کو ہے وہ آنچل نہ چین لینے کو ہیں وہ بانہیں
مسافروں کے قریب آ کر ہر اک بسیرا پلٹ گیا ہے

ناصر کاظمی

پھر سرِ شاخ شعاع خورشید
نکہتِ گل کا بسیرا ہو گا