عبدالحمید عدم

اک ہم سفر کو کھو کے یہ حالت ہوئی عدمؔ
جنگل میں جس طرح کوئی بے آس رہ گیا

شکیب جلالی

میں شاخ سے اڑا تھا ستاروں کی آس میں
مرجھا کے آ گرا ہوں مگر سرد گھاس میں

سیف الدین سیف

صبر ہی آئے اب قرار تو کیا
ٹوٹ ہی جائے دل کی آس کہیں

شاذ تمکنت

شاخ سے برگ چکیدہ کا تقاضا جیسے
کچھ اس طرح ابھی تک ہے تری آس مجھے

ناصر کاظمی

گزر رہے ہیں عجب مرحلوں سے دیدہ و دل
سحر کی آس تو ہے زندگی کی آس نہیں
بیٹھے بیٹھے برس پڑیں آنکھیں
کر گئی پھر کسی کی آس اداس