عبدالحمید عدم

خواہشوں کی ابتدا غنچے چٹخنے کی صدا
خواہشوں کی انتہا پھولوں کے مرجھانے کا نام

عرفان صدیقی

تم بادِ صبا کہلاؤ تو کیا
کچھ دیر میں ہم مرجھانے کو ہیں

جمال احسانی

دنیا پسند آنے لگی دل کو اب بہت
سمجھو کہ اب یہ باغ بھی مرجھانے والا ہے

جلیل مانک پوری

شمعِ محفل کا ہوا یہ رنگ ان کے سامنے
پھول کی ہوتی ہے صورت جیسے مرجھانے کے بعد
سچ یہ کہتے ہیں کہ ہنسنے کی جگہ دنیا نہیں
چشم عبرت ہیں چمن کے پھول مرجھانے کے بعد

قتیل شفائی

اے دیدۂ گریاں کیا کہیے اس پیار بھرے افسانے کو
اک شمع جلی بجھنے کے لیے اک پھول کھلا مرجھانے کو