عبدالحمید عدم

کچھ مجھ کو خبر تھی نہ انہیں ہوش تھا اپنا
اللٰہ رے مدہوشی و جذبات کا عالم
اے شمع بچانا دامن کو عصمت سے محبت ارزاں ہے
آلودہ نظر پروانوں کے جذبات کی نیت ٹھیک نہیں

بشیر بدر

میں چپ تھا تو چلتی ہوا رک گئی
زباں سب سمجھتے ہیں جذبات کی
ایک اک کر کے سبھی کپڑے بدن سے گر چکے
صبح پھر ہم یہ کفن پنہائیں گے جذبات کو

سدرشن فاکر

عشق میں غیرت جذبات نے رونے نہ دیا
ورنہ کیا بات تھی کس بات نے رونے نہ دیا

احمد راہی

کتنی طوفانی تھیں راتیں جن میں دو دیوانے دل
تھپکیاں دیتے رہے بھڑکے ہوئے جذبات کو
جیسی آغاز محبت میں ہوا کرتی ہے
ویسی پھر شدت جذبات کہاں ہوتی ہے

اختر ہوشیارپوری

کریدے جاؤ یوں ہی راکھ دل کی
کہیں تو شعلۂ جذبات ہوگا

قتیل شفائی

میرے غمگیں ہونے پر احباب ہیں یوں حیران قتیلؔ
جیسے میں پتھر ہوں میرے سینے میں جذبات نہیں
شام کی گل رنگ ہوا کیا چلی
درد مہکنے لگا جذبات میں