شکیب جلالی

شفق جو روے سحر پر گلال ملنے لگی
یہ بستیوں کی فضا کیوں دھواں اگلنے لگی

ثروت حسین

خواب ٹوٹا تو گر پڑے تارے
آنکھ ملنے کے بعد کیا ہوگا

اقبال ساجد

زر دل لے کے پہنچا تھا متاعِ جاں بھی کھو بیٹھا
دیا اس نے نہ موقع بھی کفِ افسوس ملنے کا

قتیل شفائی

جو بھی رنگ ہے تیرا بس وہی غنیمت ہے
چہرے کب نکھرتے ہیں منہ پہ خاک ملنے سے
سو کے تو گنوا بیٹھا رتجگوں کی رعنائی
اب قتیلؔ کیا حاصل تیرے ہاتھ ملنے سے