شکیب جلالی

جوئے روانِ دشت! ابھی سوکھنا نہیں
ساون ہے دور اور وہی شدت ہے پیاس میں
یہ کیا طلسم ہے ‘ جب سے کنارِ دریا ہوں
شکیبؔ‘ اور بھی کچھ بڑھ گئی ہے روح کی پیاس

سیف الدین سیف

سیفؔ خونِ جگر پڑا پینا
ایسے بجھتی ہے دل کی پیاس کہیں

شاذ تمکنت

ایک ٹھہرا ہوا دریا ہے مری آنکھوں میں
کن سرابوں میں ڈبوتی ہے تری پیاس مجھے

محسن نقوی

وہ میرے اشک بجھائے گا کس طرح محسنؔ
سمندروں کو وہ صحرا کی پیاس کیا دے گا