شکیب جلالی

خموشی بول اٹھے ‘ ہر نظر پیغام ہو جائے
یہ سناٹا اگر حد سے بڑھے کہرام ہو جائے

مجید امجد

ایک ایک جھروکا خندہ بہ لب، ایک ایک گلی کہرام
ہم لب سے لگا کر جام، ہوئے بدنام، بڑے بدنام

رئیس فروغؔ

آتی جاتی نیند کی لہریں صبح تلک ٹکراتی ہیں
کبھی کبھی میں نغمہ سمجھوں کبھی کبھی کہرام کہوں

رسا چغتائی

سناٹے بسرام کریں گے
بستی میں کہرام چلے گا

قتیل شفائی

کوئی کیسے کرے دل میں چھپے طوفاں کا اندازہ
سکوتِ مرگ چھایا ہے کسی کہرام سے پہلے
وہ دیکھ ستاروں کے موتی ہر آن بکھرتے جاتے ہیں
افلاک پہ ہے کہرام کہ ساقی رات گزرنے والی ہے