شکیب جلالی

کشتِ امید سلگتی ہی رہی
ابر برسا بھی تو صحراؤں سے دور

جمال احسانی

آنکھوں آنکھوں ہریالی کے خواب دکھائی دینے لگے
ہم ایسے کئی جاگنے والے نیند ہوئے صحراؤں کی

رئیس فروغؔ

بستیوں میں ہم بھی رہتے ہیں مگر
جیسے آوارہ ہوا صحراؤں میں

بشیر بدر

جس بادل کی آس میں جوڑے کھول لیے ہیں سہاگن نے
وہ پربت سے ٹکرا کر برس چکا صحراؤں میں

فارغ بخاری

کم نہیں ہیں جب کہ شہروں میں بھی کچھ ویرانیاں
کس توقع پر کوئی جائے گا اب صحراؤں میں