عرفان صدیقی

کھڑا ہے کون اکیلا حصارِ غربت میں
گھرا ہوا ہے اندھیروں میں آئنہ کیسا

جمال احسانی

بچھڑا تو تسلی دی ہے اس نے
کس دھند میں آئنہ دیا ہے

ماجد صدیقی

شرماؤ گے دیکھ کر مجھے تم
میں بھی تو تمہارا آئنہ ہوں

حفیظ جالندھری

دونوں کو دے کے صورتیں ساتھ ہی آئنہ دیا
عشق بسورنے لگا حسن نے مسکرا دیا

سلام مچھلی شہری

میری ہی خاطر تھا عہد ترک آرائش مگر
پھر وہ آئے ہیں کنار آئنہ میرے لیے

سیماب اکبر آبادی

سرگشتۂ جمال کی حیرانیاں نہ پوچھ
ہر ذرے کے حجاب میں اک آئنہ ملا