مرزا غالب

وارستہ اس سے ہیں کہ محبت ہی کیوں نہ ہو
کیجے ہمارے ساتھ، عداوت ہی کیوں نہ ہو
قطع کیجے نہ تعلق ہم سے
کچھ نہیں ہے تو عداوت ہی سہی

بہادر شاہ ظفر

جو دوست ہو تو کہوں تجھ سے دوستی کی بات
تجھے تو مجھ سے عداوت کہوں تو کس سے کہوں

داغ دہلوی

کیا کریں وہ سنانے کو پیار کی باتیں
انہیں ہے مجھ سے عداوت کسی کو کیا معلوم

جون ایلیا

روح نے عشق کا فریب دیا
جسم کو جسم کی عداوت میں

شاد عظیم آبادی

حسد جی میں بھرا ہے لاگ ہے اک عمر سے دل میں
کریں ظاہر اگر موقع ہے اظہار عداوت کا

محسن نقوی

مجھ سے بچھڑ کے شہر میں گھل مل گیا وہ شخص
حالاں کہ شہر بھر سے عداوت اسے بھی تھی