مرزا غالب

مٹتا ہے فوت فرصتِ ہستی کا غم کوئی ؟
عمرِ عزیز صرفِ عبادت ہی کیوں نہ ہو

قمر جلالوی

بتِ خود نما اور کیا چاہتا ہے تجھے اب بھی شک ہے خدا ماننے میں
ترے سنگِ در پر جبیں میں نے رکھ دی عبادت نہیں ہے تو پھر اور کیا ہے

جمال احسانی

حد نگاہ تلک پھیلا ہے ان دیکھا آسیب
گوشۂ دل میں جھلمل جھلمل دیپ عبادت والے

زہرا نگاہ

ایک کے گھر کی خدمت کی اور ایک کے دل سے محبت کی
دونوں فرض نبھا کر اس نے ساری عمر عبادت کی

شکیل بدایونی

سر خم ہو اگر مصلحت وقت کے آگے
اس جبر مسلسل کو عبادت نہ سمجھنا

اقبال ساجد

نئی کرنیں پرانے آسماں میں کیوں جگہ پائیں
وہ کافر ہے کہ جس نے چڑھتے سورج کی عبادت کی

قتیل شفائی

دیتے ہیں اجالے مرے سجدوں کی گواہی
میں چھپ کے اندھیرے میں عبادت نہیں کرتا