عرفان صدیقی

اب اپنے زخم کو اپنی زباں بناؤں گا میں
یہ ایک فاصلۂ درمیاں گھٹاؤں گا میں

بشیر بدر

تم چھت پہ نہیں آئے میں گھر سے نہیں نکلا
یہ چاند بہت بھٹکا ساون کی گھٹاؤں میں
جانے کب تڑپے اور چمکے سونی رات کو پھر ڈس جائے
مجھ کو ایک روپہلی ناگن بیٹھی ملی ہے گھٹاؤں میں

خاطر غزنوی

صحرا کی پیاس لے کے چلا جن کے ساتھ ساتھ
پانی کی ایک بوند نہ تھی ان گھٹاؤں میں

سلام مچھلی شہری

غمِ حیات و غمِ دل بہت سہی لیکن
کوئی سوال کیا ہے ابھی گھٹاؤں نے
نہ موجِ بادہ نہ زلفوں نہ ان گھٹاؤں نے
مجھے ڈسا ہے مری شعلہ زا نواؤں نے

قتیل شفائی

جب تک نہ کوئی آس تھی یہ پیاس بھی نہ تھی
بے چین کر گئے ہمیں سائے گھٹاؤں کے

محسن نقوی

بارہا خواب میں پا کر مجھے پیاسا محسنؔ
اس کی زلفوں نے کیا رقص گھٹاؤں جیسا