عرفان صدیقی

اب جاؤ ہمارے دھیان سے تم
ہم پل بھر جی بہلانے کو ہیں

سیف الدین سیف

پھر تنہائی پوچھ رہی ہے
کون آئے دل کو بہلانے
چھیڑا پھر افسانۂ دل
دل بہلانے والوں نے
دل کا اک اک زخم گنا
دل بہلانے والوں نے

قتیل شفائی

میں اپنے پیار کا دیپ لیے آفاق میں ہر سو گھوم گیا
تم دور کہیں جا پہنچے تھے آکاش پہ جی بہلانے کو

ناصر کاظمی

یہ کیا حال بنا لائے یہ کیسا روگ لگا لائے
تم تو گئے تھے جی بہلانے انٹر کانٹی نینٹل میں

نوح ناروی

وہ نہ ملیں مجھ کو مل جائے
کوئی جی بہلانے والا