عرفان صدیقی

وہ تھکن ہے کہ بدن ریت کی دیوار سا ہے
دشمنِ جاں ہے ، وہ پچھوا ہو کہ پروائی ہو

رئیس فروغؔ

ایک برہنہ پیڑ کے نیچے
میں ہوں یا پروائی ہے

سیف الدین سیف

ہم بھی اسی بستی کے رہنے رہنے والے ہیں
جس میں تیری بے پروائی رہتی ہے

اقبال ساجد

حبس تو دل میں تھا لیکن آنکھ تپ کر رہ گئی
رات سارا شہر ڈوبا درد کی پروائی میں

قتیل شفائی

شہروں میں وہ گھٹن ہے اس دور میں کہ انساں
گم نام جنگلوں کی پروائی چاہتا ہے