عرفان صدیقی

درد کیسا جو ڈبوئے نہ بہا لے جائے
کیا ندی جس میں روانی ہو، نہ گہرائی ہو

رئیس فروغؔ

ایک انگوٹھی کے پتھر میں
آنکھوں کی گہرائی ہے

آنس معین

کیوں کھل گئے لوگوں پہ مری ذات کے اسرار
اے کاش کہ ہوتی مری گہرائی ذرا اور

عبید اللہ علیم

کیسے پاؤ مجھے جو تم دیکھو
سطح ساحل سے میری گہرائی

سیف الدین سیف

دلِ دریا کی تھاہ بتائیں کیا جس میں
سات سمندر کی گہرائی رہتی ہے

افضل منہاس

سطح دریا پر ابھرنے کی تمنا ہی نہیں
عرش پر پہنچے ہوئے ہیں جب سے گہرائی ملی

احمد فراز

اے خدا جو بھی مجھے پندِ شکیبائی دے
اس کی آنکھوں‌ کو مرے زخم کی گہرائی دے

اقبال ساجد

وہ مسلسل چپ ہے تیرے سامنے تنہائی میں
سوچتا کیا ہے اتر جا بات کی گہرائی میں

قتیل شفائی

اوقات ضبط اس کو اے چشمِ تر بتا دے
یہ دل سمندروں کی گہرائی چاہتا ہے
سب سے ہنس کر ملنے والی کس نے تجھ کو سمجھا ہے
ناپ رہے ہیں مفت میں لوگ سمندر کی گہرائی کو

محسن احسان

حوصلہ تو نے دیا دکھ کی پذیرائی کا
مجھ کو اندازہ نہ تھا زخم کی گہرائی کا

محسن نقوی

لذتِ غم کے سوا تیری نگاہوں کے بغیر
کون سمجھا ہے مرے زخم کی گہرائی کو