عرفان صدیقی

ہٹ کے دیکھیں گے اسے رونقِ محفل سے کبھی
سبز موسم میں تو ہر پیڑ ہرا لگتا ہے

احسان دانش

سورج سے رنگ رنگ کی کرنیں بکھیر کر
مٹی کا زرد کھیت ہرا کر دیا گیا

بشیر بدر

یہ خزاں کی زرد سی شال میں جو اداس پیڑ کے پاس ہے
یہ تمہارے گھر کی بہار ہے اسے آنسوؤں سے ہرا کرو
خون پتوں پہ جما ہو جیسے
پھول کا رنگ ہرا ہو جیسے
دعا کرو کہ یہ پودا سدا ہرا ہی لگے
اداسیوں میں بھی چہرہ کھلا کھلا ہی لگے

ثروت حسین

یک بیک منظر ہستی کا نیا ہو جانا
دھوپ میں سرمئی مٹی کا ہرا ہو جانا