عرفان صدیقی

نبضِ عالم میں رواں تیری حرارت ہی تو ہے
کہ یہ عالم ترے ہونے کی بدولت ہی تو ہے

مجید امجد

وہ شے جو ایک نئے دور کی بشارت ہے
ترے لہو کی تڑپتی ہوئی حرارت ہے

بشیر بدر

میری آنکھوں میرے ہونٹوں پہ یہ کیسی تمازت ہے
کبوتر کے پروں کی ریشمی اجلی حرارت سی

اقبال ساجد

موسم اگر ہے سرد تو پھر آگ تاپ لے
چمکے گی آنکھ خوں میں حرارت بھی آئے گی

فراق گورکھپوری

ہر نفس سے آئے بوئے آتش سیال عشق
آگ وہ دل میں لہو میں وہ حرارت بھی تو ہو