مجید امجد

کسی کی روح سے تھا ربط اور اپنے حصے میں تھی
وہ بے کلی جو ہے موجِ زماں کا حصہ بھی

جلیل مانک پوری

ناز ہو یا دلبری افسوں ہو یا جادوگری
سب کو قدرت نے تری چتون کا حصہ کر دیا

ثروت حسین

سیاہی پھیرتی جاتی ہیں راتیں بحر و بر پہ
انہی تاریکیوں سے مجھ کو بھی حصہ ملے گا

سیماب اکبر آبادی

مانگ کر ہم لائے تھے اللہ سے اک دردِ عشق
وہ بھی اب تقدیر نے اوروں کا حصہ کر دیا

اکبر حمیدی

کبھی کبھی تو مجھ کو یوں محسوس ہوا
جیسے کسی نے میرا حصہ روک لیا