مصطفی زیدی

قلزم نے بڑھ کے چوم لیے پھول سے قدم
دریائے رنگ و نور ابھی راستے میں تھا

جمال احسانی

ہے واقعہ ہدف سیل آب تھا کوئی اور
مرا مکان تو بس راستے میں آیا ہے

احسان دانش

منت گزار اہلِ ہوس ہو سکا نہ دل
حائل مرا ضمیر مرے راستے میں تھا
ہیں ثبت میرے دل پہ زمانے کی ٹھوکریں
میں ایک سنگِ راہ تھا جس راستے میں تھا
میں نے جو اپنا نام پکارا تو ہنس پڑا
یہ مجھ سا کون شخص مرے راستے میں تھا
اب روح اعتراف بدن سے ہے منحرف
اک یہ بھی سنگِ میل مرے راستے میں تھا

احمد راہی

دل کے ویران راستے بھی دیکھ
آنکھ کی مار سے پرے بھی دیکھ

اختر ہوشیارپوری

مجھے تو چلتے رہنا ہے کسی جانب بھی جاؤں
کہ اخترؔ میرے قدموں میں ابھی تک راستے ہیں