مرزا غالب

کیا فرض ہے کہ سب کو ملے ایک سا جواب
آؤ نہ ہم بھی سیر کریں کوہِ طور کی

امام بخش ناسخ

اپنی برق نگاہ سے تم نے
شجرِ طور کر دیا ہم کو

داغ دہلوی

جہاں تیرے جلوہ سے معمور نکلا
پڑی آنکھ جس کوہ پر طور نکلا

مرزا رفیع سودا

ہر سنگ میں شرار ہے تیرے ظہور کا
موسیٰ نہیں کہ سیر کروں کوہِ طور کا

قمر جلالوی

خود ہی آ جائے تو آ جائے ترا نور کبھی
ورنہ اب موسیٰ نہ جائیں گے سرِ طور کبھی

اختر شیرانی

تمہارے نور سے معمور ہے دل
عجب کیا ہے کہ رشک طور ہے دل
ترے جلوے کا ہے جس دن سے مسکن
جواب جلوہ گاہ طور ہے دل
مرے دل میں ہے شعلۂ حسن رقصاں
میں چاہوں تو ہر ذرے کو طور کر دوں

اسرار الحق مجاز

حسن ہی حسن ہے جس سمت اٹھاتا ہوں نظر
اب یہاں طور نہیں برق سرِ طور نہیں

تلوک چند محروم

منحصر وادی سینا پہ نہیں
جذب موسیٰ ہو اگر طور بہت

سیماب اکبر آبادی

فطرت یہی ازل سے ہے برق جمال کی
اس نے جسے تباہ کیا طور کر دیا

فانی بدایونی

دنیائے حسن و عشق میں کس کا ظہور تھا
ہر آنکھ برق پاش تھی ہر ذرہ طور تھا

شاذ تمکنت

مچل رہی ہے کہیں جوئے شیر اے فرہاد
کلیم سن تو سہی جل رہا ہے طور اب تک

قتیل شفائی

مجھے دیں گی خاک تسلیاں تری جاں گداز تجلیاں
میں سوال شوق وصال ہوں تو جلال شعلۂ طور ہے