رئیس فروغؔ

اونچی اونچی شہنائی ہے
پاگل کو نیند آئی ہے

آنس معین

اک ڈوبتی دھڑکن کی صدا لوگ نہ سن لیں
کچھ دیر کو بجنے دو یہ شہنائی ذرا اور

اقبال ساجد

رات بھر وہ اپنے بستر پر پڑا روتا رہا
دور اک آواز بنجر ہو گئی شہنائی میں

قتیل شفائی

دیکھا جو اس کا دستِ حنائی قریب سے
احساس گونجتی ہوئی شہنائی بن گیا
پاگل پن تو دیکھو جس دن ڈولی اٹھنے والی تھی
اپنے ہاتھ سے توڑ دیا اک دلہن نے شہنائی کو

محسن احسان

سلسلے ٹوٹ چکے سارے محبت کے مگر
سر سے اک ربط ہے قائم ابھی شہنائی کا

میرا جی

آبشار کے رنگ تو دیکھے لگن منڈل کیوں یاد نہیں
کس کا بیاہ رچا ہے دیکھو ڈھولک ہے شہنائی ہے