مرزا غالب

اپنی ہستی ہی سے ہو جو کچھ ہو
آ گہی گر نہیں غفلت ہی سہی

داغ دہلوی

لے گئے آنکھوں ہی آنکھوں میں وہ دل
ہوشیاری اپنی غفلت ہو گئی

شیخ ابراہیم ذوق

تو مرے حال سے غافل ہے پر اے غفلت کیش
تیرے انداز تغافل نہیں غفلت والے

حسرت موہانی

اور بھی ہو گئے بیگانہ وہ غفلت کر کے
آزمایا جو انہیں ضبط محبت کر کے

فراق گورکھپوری

گردشِ دوراں میں اک دن آ رہے گا ہوش بھی
ختم اے چشم سیہ یہ دور غفلت بھی تو ہو
اے نرگس سیاہ بتا دے ترے نثار
کس کس کو ہے یہ ہوش یہ غفلت کہاں کہاں