مرزا غالب

ہم بھی تسلیم کی خو ڈالیں گے
بے نیازی تری عادت ہی سہی

شیخ ابراہیم ذوق

ساقیا ہوں جو صبوحی کی نہ عادت والے
صبح محشر کو بھی اٹھیں نہ ترے متوالے

باقی صدیقی

اس قدر شور طرب کیا معنی
جاگنے کی مجھے عادت ہی سہی

جمال احسانی

ایک کلی مہکائے ہوئے تھی پورے باغ کا باغ
اس کی گلی کے سارے لوگ تھے اچھی عادت والے

جوش ملیح آبادی

جذب کر لینا تجلی روح کی عادت میں ہے
حسن کو محفوظ رکھنا عشق کی فطرت میں ہے
دور اندیش مریضوں کی یہ عادت دیکھی
ہر طرف دیکھ لیا جب تری صورت دیکھی

حسرت موہانی

وہ کہتے ہیں شوخی سے ہم دل ربا ہیں
ہمیں دل نوازی کی عادت نہیں ہے

حفیظ ہوشیارپوری

مر گئے کچھ لوگ جینے کا مداوا سوچ کر
اور کچھ جیتے رہے جینے کی عادت کے لیے

رسا چغتائی

اس نے کیسے سمجھ لیا کہ مجھے
خواب میں جاگنے کی عادت ہے

شکیل بدایونی

کہیں رازِ محبت آسماں پر بھی نہ کھل جائے
مجھے آہ و فغاں کرنے کی عادت ہوتی جاتی ہے

کلیم عاجز

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی

محسن نقوی

مجھ کو بھی شوق تھا نئے چہروں کی دید کا
رستہ بدل کے چلنے کی عادت اسے بھی تھی