احسان دانش

آج بھڑکی رگ وحشت ترے دیوانوں کی
قسمتیں جاگنے والی ہیں بیابانوں کی
روح مجنوں ابھی بیتاب ہے صحراؤں میں
خاک بے وجہ نہیں اڑتی بیابانوں کی

ضیا جالندھری

ضیاؔ اپنی تباہی پر انہیں بھی ناز تھے کیا کیا
ہمیں دیکھا تو صحراؤں بیابانوں کے دل ٹوٹے

علی سردار جعفری

کبھی شبنم کا قطرہ بن کے چمکو لالہ و گل پر
کبھی دریاؤں کی صورت بیابانوں میں آ جاؤ

حسرت موہانی

ہم رہ غیر مبارک انہیں گلگشت چمن
سیر ہم کو بھی میسر ہے بیابانوں کی

سیف الدین سیف

اب وہ سودا نہیں دیوانوں میں
خاک اڑتی ہے بیابانوں میں
سیفؔ پہلو میں یہ آہٹ غم کی
کون روتا ہے بیابانوں میں

فراق گورکھپوری

ایک رنگینی ظاہر ہے گلستاں میں اگر
ایک شادابی پنہاں ہے بیابانوں میں