آنس معین

باہر بھی اب اندر جیسا سناٹا ہے
دریا کے اس پار بھی گہرا سناٹا ہے

افضل منہاس

میں فقط اس جرم میں دنیا میں رسوا ہو گیا
میں نے جس چہرے کو دیکھا تیرے جیسا ہو گیا

احمد فراز

یہ قناعت ہے اطاعت ہے کہ چاہت ہے فرازؔ
ہم تو راضی ہیں وہ جس حال میں جیسا رکھے

محسن احسان

حقیقت میں وہ ایسا تو نہیں ہے
نظر آتا ہے جیسا دیکھنے میں

ناصر کاظمی

اپنی دھن میں رہتا ہوں
میں بھی تیرے جیسا ہوں
وہ جاگے جسے نیند نہ آئے
یا کوئی میرے جیسا جاگے