بیان میرٹھی

یک طرف ہو کے رہیں گے یک رنگ
ہم کو اعراف سے نفرت ہوگی

جوش ملیح آبادی

عیش کی جانب جو مائل کچھ طبیعت ہو گئی
دل پہ غصہ آ گیا اپنے سے نفرت ہو گئی
آئی جب اسٹیج پر دنیا تو دل خوش ہو گیا
جب اٹھا انجام کا پردہ تو نفرت ہو گئی

شکیل بدایونی

صبحِ بہار آئی تھی لے کر رت بھی نئی شاخیں بھی نئی
غنچہ و گل سے پیار ہے لیکن شاخ سے نفرت آج بھی ہے

قتیل شفائی

وہ شخص کہ میں جس سے محبت نہیں کرتا
ہنستا ہے مجھے دیکھ کے نفرت نہیں کرتا

محسن نقوی

تنہا ہوا سفر میں تو مجھ پہ کھلا یہ بھید
سائے سے پیار دھوپ سے نفرت اسے بھی تھی