زہرا نگاہ

سر جھکائے ہوئے اک راہ پہ چلتے رہیے
اک صدا کان میں آئے گی وہ سنتے رہیے

نوح ناروی

آج آئیں گے کل آئیں گے کل آئیں گے آج آئیں گے
مدت سے یہی وہ کہتے ہیں مدت سے یہی ہم سنتے ہیں
آزار و ستم کے شکوؤں کا جھگڑا بھی چکے قصہ بھی مٹے
تم سے جو کہے کچھ بات کوئی کہہ دو اسے ہم کب سنتے ہیں
ہم عشق میں ان مکاروں کے بے فائدہ جلتے بھنتے ہیں
مطلبِ جو ہمارا سن سن کر کہتے ہیں ہم اونچا سنتے ہیں
ہم کچھ نہ کسی سے کہتے ہیں ہم کچھ نہ کسی کی سنتے ہیں
بیٹھے ہوئے بزمِ دل کش میں بس دل کے ٹکڑے چنتے ہیں
الفت کے فسانے پر دونوں سر اپنا اپنا دھنتے ہیں
ہم سنتے ہیں وہ کہتے ہیں ہم کہتے ہیں وہ سنتے ہیں