ظہیر کاشمیری

قلم دار سے تحریر رسن سے ہم نے
اک نیا موڑ دیا عشق کے افسانوں کو

حسرت موہانی

یاد پھر تازہ ہوئی حال سے تیرے حسرتؔ
قیس و فرہاد کے گزرے ہوئے افسانوں کی

سیف الدین سیف

غمِ دوراں کو گلہ ہے مجھ سے
تو ہی تو ہے مرے افسانوں میں

شکیل بدایونی

لذتِ خواب سے بیگانہ ہیں ماہ و انجم
سننے والے ہیں یہ شاید مرے افسانوں کے

فراق گورکھپوری

اب نہ وہ رات جب امیدیں بھی کچھ تھیں تجھ سے
اب نہ وہ بات غم ہجر کے افسانوں میں
تا بہ کے وعدۂ موہوم کی تفصیل فراقؔ
شبِ فرقت کہیں کٹتی ہے ان افسانوں میں