عبید اللہ علیم

ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی

علی سردار جعفری

نہ جانے چھلکائے جام کتنے نہ جانے کتنے سبو اچھالے
مگر مری تشنگی کہ اب بھی تری نظر سے شکایتیں ہیں
وفورِ شوق کی رنگیں حکایتیں مت پوچھ
لبوں کا پیار نگہ کی شکایتیں مت پوچھ

حفیظ جالندھری

ترے دل میں بھی ہیں کدورتیں ترے لب پہ بھی ہیں شکایتیں
مرے دوستوں کی نوازشیں مرے دشمنوں کی عنایتیں

احمد فراز

سب اپنے اپنے قرینے سے منتظر اس کے
کسی کو شکر کسی کو شکایتیں کرنی