مرزا غالب

ہوا ہے شہ کا مصاحب پھرے ہے اتراتا
وگرنہ شہر میں غالب کی آبرو کیا ہے

امام بخش ناسخ

ہو گیا ہے یہ قران آفتاب و ماہِ نو
یار کے رخسار آتش رنگ پر ابرو نہیں

انشاء اللہ خان انشا

اجی سر اٹھا کر ادھر دیکھنا
اسی چشم و ابرو پہ اتنا گھمنڈ

داغ دہلوی

یہ آنکھیں تر جو رہتی ہیں لہو سے
وہ گزرے عشق کے دن آبرو سے
ہوا ہے داغؔ آصف کا نمک خوار
گزر جائے الٰہی آبرو سے
داغؔ اترائے ہوئے پھرتے ہیں آج
شاید ان کی آبرو ہونے لگی

شیخ ابراہیم ذوق

جو ہے گوشہ نشیں تیرے خیال مست ابرو میں
وہ ہے بیتُ الصنم میں بھی تو ہے بیتُ المقدس میں

مصحفی غلام ہمدانی

محراب کے کعبے کا نمازی ہوں تو واں بھی
جز سجدۂِ طاق خمِ ابرو نہ کروں میں

مصطفٰی خان شیفتہ

بے اشکِ لالہ گوں بھی میں بے آبرو نہیں
آنسو میں رنگ کیا ہو کہ دل میں لہو نہیں