غلام محمد قاصر

اپنے اشعار کو رسوا سرِ بازار کروں
کیسے ممکن ہے کہ میں مدحت دربار کروں

احمد فراز

قاتل اس شہر کا جب بانٹ رہا تھا منصب
ایک درویش بھی دیکھا اسی دربار کے بیچ
شہریاروں کے بلاوے بہت آتے ہیں فرازؔ
یہ نہ ہو آپ بھی دربار میں گم ہو جائیں

قتیل شفائی

دو گھڑی آؤ مل آئیں کسی غالبؔ سے قتیلؔ
حضرت ذوقؔ تو وابستہ ہیں دربار کے ساتھ
سنا ہے وقت کا حاکم بڑا ہی منصف ہے
پکار کر سرِ دربار آؤ سچ بولیں

محسن احسان

جن کی ساری زندگی دربار داری میں کٹی
ان کو رسوا بر سرِ دربار ہونا تھا ہوئے