فارغ بخاری

اب بھی ترے نزدیک موحد نہیں فارغؔ
اقرار کیا ہے ترا انکار کی حد تک

احمد فراز

غنیم سے بھی عداوت میں حد نہیں مانگی
کہ ہار مان لی لیکن مدد نہیں مانگی
عطائے درد میں وہ بھی نہیں تھا دل کا غریب
فرازؔ میں نے بھی بخشش میں حد نہیں مانگی

اقبال ساجد

بغض بھی سینے میں رکھتا ہوں امانت کی طرح
نفرتیں کرنے پہ آ جاؤں تو حد کرتا ہوں میں
سائے کی طرح بڑھ نہ کبھی قد سے زیادہ
تھک جائے گا بھاگے گا اگر حد سے زیادہ