مرزا غالب

ایک جا حرفِ وفا لکھا تھا، سو بھی مٹ گیا
ظاہرا کاغذ ترے خط کا غلط بردار ہے

جگر مراد آبادی

کونین سے کیا اہلِ محبت کو سروکار
کونین ہے خود حاشیہ بردار محبت

شکیب جلالی

وہ تجلی کی شعاعیں تھیں کہ جلتے ہوئے تیر
آئنے ٹوٹ گئے ‘ آئنہ بردار گرے

ادا جعفری

پلکوں تلک آ پہنچے نہ کرنوں کی تمازت
اب تک تو اداؔ آئنہ بردار بہت ہیں

شاذ تمکنت

کس سے پوچھوں کہ مرا حالِ پریشاں کیا ہے
تجھ کو اے آئنہ بردار کہاں سے لاؤں

قتیل شفائی

چھپائے سے کہیں چھپتے ہیں داغ چہرے کے
نظر ہے آئنہ بردار آؤ سچ بولیں