مرزا غالب

چشمِ خوباں خامشی میں بھی نوا پرداز ہے
سرمہ تو کہوے کہ دودِ شعلہ آواز ہے

مصحفی غلام ہمدانی

بولا دیکھ آئنہ وہ حیرت سے
چہرہ پرداز کون ہے اپنا

مومن خان مومن

جنت میں بھی مومنؔ نہ ملا ہائے بتوں سے
جورِ اجل تفرقہ پرداز تو دیکھو

باقی صدیقی

آپ مجسم مہر و وفا
باقیؔ سب فتنہ پرداز

اسرار الحق مجاز

تو جہاں ہے زمزمہ پرداز ہے
دل جہاں ہے گوش بر آواز ہے

شاد عظیم آبادی

دل ہو یا روح و جگر کان کھڑے سب کے ہوئے
عشق آیا کہ کوئی مفسدہ پرداز آیا
لے رہا ہے در مے خانہ پہ سن گن واعظ
رندو ہشیار کہ اک مفسدہ پرداز آیا
دیکھیے نالۂ دل جا کے لگائے کس سے
جس کا کھٹکا تھا وہی مفسدہ پرداز آیا
بے انیسؔ اب چمنِ نظم ہے ویراں اے شادؔ
ہائے ایسا نہ کوئی زمزمہ پرداز آیا

عزیز حامد مدنی

عصیاں سرشت و پاکی داماں کی اک دلیل
کیا لطف حسن تفرقہ پرداز سے اٹھا

فراق گورکھپوری

قرب و دیدار تو معلوم کسی کا پھر بھی
کچھ پتہ سا فلک تفرقہ پرداز تو دے