اختر امام رضوی

اب بھی آتی ہے تری یاد پہ اس کرب کے ساتھ
ٹوٹتی نیند میں جیسے کوئی سپنا دیکھے

ثروت حسین

اچھا سا کوئی سپنا دیکھو اور مجھے دیکھو
جاگو تو آئینہ دیکھو اور مجھے دیکھو

محسن احسان

کھلی آنکھوں سے سپنا دیکھنے میں
گنوا دی عمر رستہ دیکھنے میں

میرا جی

کیسے دن تھے کیسی راتیں کیسی باتیں گھاتیں تھیں
من بالک ہے پہلے پیار کا سندر سپنا بھول گیا

ناصر کاظمی

پھر وہی گھر، وہی شام کا تارا
پھر وہی رات، وہی سپنا تھا
اب نہ وہ گھر نہ وہ شام کا تارا
اب نہ وہ رات نہ وہ سپنا تھا
ایسا بھی کوئی سپنا جاگے
ساتھ مرے اک دنیا جاگے