مرزا غالب

پھر اسی بے وفا پہ مرتے ہیں
پھر وہی زندگی ہماری ہے

امام بخش ناسخ

سب کی سب کیا ہیں شبِ قدر ہماری راتیں
کٹتی ہیں آنکھوں ہی میں ہجر کی ساری راتیں
سن پڑے رہتے ہیں بے یار اندھیرے میں ہم
ہیں شب گور کے مانند ہماری راتیں
کیجیے سحر بیانی سے مسخر کیوں کر
کبھی سنتا نہیں ناسخؔ وہ ہماری باتیں

بہادر شاہ ظفر

ہم کو خطرہ تھا کہ لوگوں میں تھا چرچا اور کچھ
بات خط آنے سے تیرے پر ہماری رہ گئی

مصحفی غلام ہمدانی

کھا لیتے ہیں غصے میں تلوار کٹاری کیا
ہم لوگ ہیں سودائی اوقات ہماری کیا
ہاتھ دونوں کفِ افسوس کی صورت لکھے
کی جو نقاش نے تصویر ہماری تیار

مومن خان مومن

مانع قتل کیوں ہوا دشمن
جان ہی جائے گی ہماری آج

جون ایلیا

عجب حالت ہماری ہو گئی ہے
یہ دنیا اب تمہاری ہو گئی ہے
وہ سید بچہ ہو اور شیخ کے ساتھ
میاں عزت ہماری جا رہی ہے

عرفان صدیقی

کشتی تو اپنی خود ہی جلا دی، بستی ہماری دریا کنارے
دریا سے پوچھو، رات یہ ہم نے کیسے گزاری دریا کنارے