مرزا غالب

طبع ہے مشتاقِ لذت ہائے حسرت کیا کروں!
آرزو سے ، ہے شکستِ آرزو مطلب مجھے

مصحفی غلام ہمدانی

کب کام یاب بوسہ ہوئے اس کے لب سے ہم
شرمندہ ہی رہے دل مطلب مطلب سے ہم

یگانہ چنگیزی

سب ترے سوا کافر آخر اس کا مطلب کیا
سر پھرا دے انساں کا ایسا خبط مذہب کیا
سب جہاد ہیں دل کے سب فساد ہیں دل کے
بے دلوں کا مطلب کیا اور ترک مطلب کیا

شاد عظیم آبادی

سمجھ لے قاصدوں نے کچھ تو ایسی ہی خبر دی ہے
کہیں کیا تجھ سے اے ناصح کہ جس مطلب سے جیتے ہیں
عبث دریافت کرتے ہو سبب اس سخت جانی کا
خدا جانے کہ ہم اے شادؔ کس مطلب سے جیتے ہیں
وہاں اوروں کے قصوں کو بھی سن کر وہ کھٹکتے ہیں
یہاں اپنی زباں پر حرف مطلب تک نہیں آتا
جہاں تمہید کی وہ اور قصے چھیڑ دیتا ہے
کسی صورت سے ظالم حرف مطلب تک نہیں آتا

قتیل شفائی

ذرا میں سوچ لوں کیا کام اس کو آ پڑا مجھ سے
کبھی وہ بام تنہائی سے بے مطلب نہیں اترا