مرزا غالب

منہ نہ دکھلاوے ، نہ دکھلا، پر بہ اندازِ عتاب
کھول کر پردہ ذرا آنکھیں ہی دکھلا دے مجھے

مصحفی غلام ہمدانی

ہم کو اے شرم ٹک اب اس کی طرف جانے دے
حال اپنا اسے دکھلا کے چلے آتے ہیں

مومن خان مومن

چل پرے ہٹ مجھے نہ دکھلا منہ
اے شبِ ہجر تیرا کالا منہ

رئیس فروغؔ

آنکھیں جن کو دیکھ نہ پائیں سپنوں میں بکھرا دینا
جتنے بھی ہیں روپ تمھارے جیتے جی دکھلا دینا

سیف الدین سیف

اپنی وسعت میں کھو چکا ہوں میں
راہ دکھلا سکو تو آ جاؤ

شکیل بدایونی

وہ ہنسے وہ زیرِ لب کچھ کہہ اٹھے
خواب سے دکھلا رہی ہے ان کی یاد