مرزا غالب

کثرت آرائی وحدت ہے پرستاری وہم
کر دیا کافر ان اصنامِ خیالی نے مجھے

مصحفی غلام ہمدانی

مانی نے شبیہ اس کی کیا سوچ کے کھینچی تھی
موئے کمر اس کے کی تصویرِ خیالی ہے
آغوش میں ہے وہ اور پہلو مرا خالی ہے
معشوق مرا گویا تصویرِ خیالی ہے

عرفان صدیقی

رات دن شعروں میں تمثال گری کرتا ہوں
طاق دل میں کوئی تصویرِ خیالی بھی نہیں

بشیر بدر

مسکرائی خدا کی محویت
یا ہماری ہی بے خیالی ہنسی

جلیل مانک پوری

آتے آتے آئے گا ان کو خیال
جاتے جاتے بے خیالی جائے گی

احمد فراز

بے نوا شہر کا سایہ ہے مرے دل پہ فراز
کس طرح سے مری آشفتہ خیالی جائے

اقبال ساجد

رات مجھ سے بھی تو ہر گھر کے در و بام سجے
چاند کی طرح مرا عکس خیالی نکلا