مرزا غالب

کی ہم نفسوں نے اثرِ گریہ میں تقریر
اچھے رہے آپ اس سے مگر مجھ کو ڈبو آئے

فیض احمد فیض

تیرے در تک پہنچ کے لوٹ آئے
عشق کی آبرو ڈبو بیٹھے

مرزا رفیع سودا

اے دیدہ خانماں تو ہمارا ڈبو سکا
لیکن غبار یار کے دل سے نہ دھو سکا

شان الحق حقی

ناخدا چارۂ طوفاں کرے کوئی ورنہ
اب کوئی موج سفینے کو ڈبو جاتی ہے

امیر مینائی

روئیں گے ہمیں رلانے والے
ڈوبیں گے وہ جو ڈبو رہے ہیں

شاذ تمکنت

ختم ہوتا ہی نہیں سلسلۂ موجِ سراب
پار اتر بھی نہ سکوں ناؤ ڈبو بھی نہ سکوں

مجروح سلطان پوری

بچا لیا مجھے طوفاں کی موج نے ورنہ
کنارے والے سفینہ مرا ڈبو دیتے