مرزا غالب

کس طرح کاٹے کوئی شبہائے تار برشکال
ہے نظر خو کردۂِ اختر شماری ہائے ہائے

بہادر شاہ ظفر

آؤ گر آنا ہے کیوں گن گن کے رکھتے ہو قدم
اور کوئی دم کی ہے یاں دم شماری رہ گئی

مصحفی غلام ہمدانی

اے اجل زیست کا کیا ان سے تو مانگے ہے حساب
جو ہیں ہر دم پئے انفاس شماری تیار

مومن خان مومن

نزع ہے اور روز وعدۂِ وصل
ہے بہر طور دم شماری آج

میر مہدی مجروح

وہاں وہ ناز و عشوے سے قدم گن گن کے رکھتے ہیں
یہاں اس منتظر کا وقت پہنچا دم شماری کا