شاد عظیم آبادی

زندگی کرتے ہیں کس طرح یہ سیکھو اس وقت
شادؔ کیا نفع اگر مرنے پہ جینا آیا
عمر بھر خونِ جگر بیٹھ کے پینا آیا
آرزوؤ تمہیں مرنا ہمیں جینا آیا
یہ دلجمعی جیے جب تک جیے جینا اسی کا ہے
پئے جو سیر ہو کے رات دن پینا اسی کا ہے
نگہ کی برچھیاں جو سہہ سکے سینا اسی کا ہے
ہمارا آپ کا جینا نہیں جینا اسی کا ہے

شان الحق حقی

جو ہو ورائے ذات وہ جینا ہی اور ہے
جینے کا اہلِ دل کے قرینہ ہی اور ہے

فراق گورکھپوری

ہر اک کے ہاتھ فقط غفلتیں تھیں ہوش نما
کہ اپنے آپ سے بیگانہ وار جینا تھا
یہ اضطراب و سکوں بھی تھی اک فریب حیات
کہ اپنے حال سے بیگانہ وار جینا تھا