مرزا غالب

مدت ہوئی ہے یار کو مہماں کیے ہوئے
جوشِ قدح سے بزم چراغاں کیے ہوئے

حیدر علی آتش

خانۂ دل میں کروں داغِ محبت کو طلب
روشنی کے لیے اس گھر کے جو مہماں مانگوں
آباد میرا خانۂِ ویراں ہے ان دنوں
سیلاب مجھ غریب کا مہماں ہے ان دنوں
قد سرو چہرہِ گل ہے تو سنبل ہیں موئے یار
گھر خانہ باغ ہے جو وہ مہماں ہے ان دنوں

داغ دہلوی

پچھتاؤ گے بہت مرے دل کو اجاڑ کر
اس گھر میں اور کون ہے مہماں تمہیں تو ہو

شیخ ابراہیم ذوق

جو کچھ کہ ہے دنیا میں وہ انساں کے لیے ہے
آراستہ یہ گھر اسی مہماں کے لیے ہے

میر مہدی مجروح

قدر کیوں خوان دہر پر ہو مری
سچ ہے نا خواندہ مہماں ہوں میں

یگانہ چنگیزی

شریک حال ہوا ہے جو فقر و فاقہ میں
گڑھے گا ساتھ ہی کیا اپنے مہماں اپنا

عبدالحمید عدم

اے ساقی مہ وش غمِ دوراں نہیں اٹھتا
درویش کے حجرے سے یہ مہماں نہیں اٹھتا

قمر جلالوی

نہ گھبرا اے مریضِ عشق دونوں آنے والے ہیں
قضا بھی مہماں ہو گی وہ بت بھی مہماں ہو گا

الطاف حسین حالی

کل کی خبر ہو تو جھوٹے کا رو سیاہ
تم مدعی کے گھر گئے اور مہماں رہے

رئیس فروغؔ

ہم کوئی اچھے چور نہیں پر ایک دفعہ تو ہم نے بھی
سارا گہنا لوٹ لیا تھا آدھی رات کے مہماں کا

اختر شیرانی

غم خانۂ ہستی میں ہے مہماں کوئی دن اور
کر لے ہمیں تقدیر پریشاں کوئی دن اور
شیون کو کوئی خلدِ بریں میں یہ خبر دے
دنیا میں اب اخترؔ بھی ہے مہماں کوئی دن اور

بہزاد لکھنوی

ہم نے تو اپنے دل میں وہ غم ہو کہ ہو الم
جو کوئی آ گیا اسے مہماں بنا لیا

ضیا جالندھری

خوش گماں ہو کے نہ بیٹھ ان در و دیوار سے پوچھ
اہلِ خانہ بھی ہیں کچھ روز کے مہماں بابا