گر مجھے اس کا یقیں ہو مرے ہمدم، مرے دوست

تیری آنکھوں کی اداسی، ترے سینے کی جلن

گرمرا حرفِ تسلی وہ دوا ہو جس سے

تیری پیشانی سے دھل جائیں یہ تذلیل کے داغ

گر مجھے اس کا یقیں ہو مرے ہمدم، مرے دوست!

میں تجھے گیت سناتا رہوں ہلکے ، شیریں،

آمدِ صبح کے ، مہتاب کے ، سیاروں کے گیت

کیسے مغرور حسیناؤں کے برفاب سے جسم

کیسے اک چہرے کے ٹھہرے ہوئے مانوس نقوش

کس طرح عارضِ محبوب کا شفاف بلور

کیسے گلچیں کے لیے جھکتی ہے خود شاخِ گلاب

یونہی گاتا رہوں، گاتا رہوں تیری خاطر

یہ مرے گیت ترے دکھ کا مداوا ہی نہیں

گیت نشتر تو نہیں، مرہمِ آزار سہی

اور یہ سفاک مسیحا مرے قبضے میں نہیں

ہاں مگر تیرے سوا، تیرے سوا، تیرے سوا