اجالا زمانہ میں پھیلا رہی ہوں

پکارے گلے صاف چلا رہی ہوں

۔۔

میں رفتار و گفتار کے ساتھ آئی

میں چڑیوں کی چہکار کے ساتھ آئی

۔۔

خوشی سے ہر اک جانور بولتا ہے

سہانا ہے وقت اور ٹھنڈی ہوا ہے

۔۔

ادھر سے ادھر اڑ کے ہیں آتی جاتی

مری آمد آمد کے ہیں گیت گاتی

۔۔

تو بلبل بھی گلشن میں ہے چہچہائی

میں سو سو طرح دے رہی ہوں دہائی

۔۔

نسیم اور صبا کو بھی لہکا دیا ہے

مگر نیند نے تم کو بہکا دیا ہے

۔۔

ہر ایک ملک میں دیس میں ہر وطن میں

بجھاتی چلی شمع کو انجمن میں

۔۔

سو وہ نو لکھا ہار پہنے کھڑی ہے

عجب یہ سماں ہے عجب یہ گھڑی ہے

۔۔

کلولیں ہرے کھیت میں کر رہے ہیں

غرض میرے جلوے پہ سب مر رہے ہیں

۔۔

زمیں سے ہے جلوہ مرا آسماں تک

کرو گے بھلا کاہلی تم کہاں تک

۔۔

مؤذن کو مسجد کے میں نے اٹھایا

اندھیرا گھٹایا اجالا بڑھایا

۔۔

کسانوں کے ہل چل پڑے منہ اندھیرے

دلدر ہوئے دور آئے سے میرے

۔۔

بجانے لگے اپنی اپنی سبھی گت

نہیں خوابِ غفلت نہیں خوابِ غفلت

۔۔

نہ لو کروٹیں اور نہ بستر ٹٹولو

بس اب خیر سے اٹھ کے منہ ہاتھ دھو لو

۔۔

جہاں میں ہوا اب مرا حکم جاری

دکھائی دیے باغ اور کھیت کیاری